პირღებული

17 აგვისტო 2017

პირღებული - ქართული ხუროთმოძღვრების ძეგლი XIII ს. ღვთისმშობლის სახელობის სამონასტრო კომპლექსი.( თთრიწყაროს სამხრეთ-დასავლეთით 10 კილომეტრში. მდ. ხრამის მარცხენა ნაპირზე.)კარგად შემონახულია ცენტრალური ნაგებობა - დიდი ეკლესია, რომელიც ფრაგმენტებისა და წარწერის თანახმად აგებულია რუსუდანის მეფობის ხანაში (1222-1245). ეკლესია შიგნით მოხატული იყო. გარედან კედლებზე წარწერებია. ერთ-ერთ მათგანში ნათქვამია, რომ ვინმე თბილელ ელის საგინაშვილს XVII ს.- ში ეკლესიისათვის სამხრეთიდან კარიბჭე და საძვალე მიუშენებია. ეკლესიას გარს ერტყა გალავანი, რომელშიც ჩართული იყო სამ სართულიანი სამრეკლო (შემორჩენილია 2 სართული) პირველი სართული წარმოადგენდა ჭიშკარს. ეკლესიის სამხრეთ-დასავლეთით დიდი შენობის ნაშთია. კლდეებში განლაგებული გამოქვაბულები ბერების სადგომ სენაკებად იყო გამოყენებული. ეკლესიის ზემოთ ფერდობზე გვიანდელი ხანის დარბაზული ეკლესიაა.