რუსთავის მერიისა და საქართველოში ავსტრიის საელჩოს ერთობლივი პროექტის ფარგლებში, რუსთავის მედიათეკაში, ავსტრიული კუთხე გაიხსნა.

ღონისძიებას ქვემო ქართლში სახელმწიფო რწმუნებულთან, გიორგი დოხტურიშვილთან ერთად ავსტრიის საგანგებო და სრულუფლებიანი ელჩი საქართველოში, თომას მიულმანი, რუსთავის მერი, ნინო ლაცაბიძე და რუსთავისა და გარდაბნის ათი თემის მაჟორიტარ-დეპუტატი, ირაკლი შატაკიშვილი ესწრებოდნენ.

აღნიშნული სიახლით მედიათეკაში შეიქმნა სივრცე, სადაც ახალგაზრდებს ექნებათ შესაძლებლობა გაეცნონ ავსტრიულ ლიტერატურასა და კულტურას.

აქვე უნდა აღინიშნოს, რომ ავსტრიის საელჩომ, რუსთავის ახალ მედიათეკას გერმანულენოვანი ლიტერატურა გადასცა საჩუქრად, რითაც თანამედროვე ბიბლიოთეკის წიგნსაცავი კიდევ უფრო მრავალფეროვანი და საინტერესო გახდა იმ ადამიანებისთვისაც ვინც იციან ან ახლა ეუფლებიან გერმანულ ენას.

მედიათეკაში ასევე, ავსტრიელი მწერლის, როზე აუსლენდერის ლექსების ორენოვანი კრებულის პრეზენტაცია გაიმართა.

ღონისძიებას რუსთავის მერის მოადგილე, კახა გურული, გერმანული ენის მასწავლებლები და მოსწავლეები ესწრებოდნენ.