ბოლნისის ,,სიონი

16 აგვისტო 2017

 ყოვლადწმინდა ღვთისმშობლის მიძინების სახელობის ისტორიული ტაძარი მდებარეობს ქვემო ქართლში, ბოლნისის რაიონის სოფელ ქვემო ბოლნისში, რაიონული ცენტრიდან 7 კმ-ში. ტაძარი სოფლის შუაგულში, ვაკე ადგილას დგას.
სიონი სამნავიანი ბაზილიკის ტიპის ნაგებობაა, ერთ-ერთი შესასვლელის თავზე მოთავსებული წარწერის მიხედვით აშენებულია 479-493 წლებში. მშენებლობის ინიციატორი და მოთავე იყო დავით ეპისკოპოსი.
ტაძარს განსაკუთრებული ზიანი მიადგა მონღოლთა შემოსევების დროს.
XVII საუკუნეში კეთილმოსურნე მარიამ დედოფლის თაოსნობით სიონი განაახლეს და ამ სახით მოაღწია დღევანდლამდე.
1989 წლიდან ბოლნისის სიონი მოქმედი ეკლესიაა და ბოლნელ ეპისკოპოსთა საკათედრო ტაძარია. ბოლნისის სიონი არის საერთაშორისო მნიშვნელობის ისტორიული ტაძარი (შეყვანილია იუნესკოს წიგნში).
ტურისტულ ობიექტამდე მანძილი(მუნიციპალური ცენტრიდან) - 7 კმ.