თეთრიწყაროს მხარეთმცოდნეობის მუზეუმი

17 აგვისტო 2017

ქ.თეთრიწყაროს ცენტრში თამარ მეფის ქ. N 34 -ში მდებარეობს  თეთრიწყაროს მხარეთმცოდნეობის მუზეუმი, აქ თავმოყრილია მრავალი ისეთი ნივთი, რომელიც მნახველს  წარმოდგენას შეუქმნის თეთრიწყაროს კულტურულ-ისტორიულ წარსულზე.  გამოფენილია მრავალი უნიკალური ნივთი დაწყებული გვიანი ქვის ხანის ექსპონატებიდან დამთავრებული უახლესი ისტორიის  ამსახველი ნივთებით.
განცვიფრებას იწვევს ოთხთვალა საბრძოლო ეტლი, რომელიც ბედენის გორასამარხებიდანაა და თარიღდება ძვ.წ. აღ II ათასწლეულის ბოლოთი.
აღორძინების ხანის ბრინჯაოს საქამრე ბალთები ს.გუდარეხიდან. ს. პალიანიდან ცხენის ბრინჯაოს ლაგამი. ბრინჯაოს ხანითაა დათარიღებული თიხის უამრავი ჯამები, ჯამფიალები, ხამტუჩა და ჩაიდნის მილიანი დოქები, დიდი ზომის ქოთნები და ქვევრები.
აქვეა გამოფენილი ეთნოგრაფიული ნივთები: ქვევრი, საბერველი, ჭაპანი, რკინისა და ხის აკვნები, ხის მაცივარი, ქართული ნაციონალური ტანსაცმელი და სხვა.
მუზეუმში მოსულ დამთვალიერებელს შეუძლია  მიიღოს  ინფორმაცია  მუნიციპალიტეტის ტერიტორიაზე მცხოვრები სხვა და სხვა ეროვნების ხალხის კულტურული წარსულისა და  აქ არსებული ისტორიულ-კულტურული ძეგლების შესახებ.