სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

ცურტავის ქეთევან დედოფლის სახელობის ტაძარი

17 აგვისტო 2017


ისტორიული ცურტავის ეპარქია, რომელიც დამოუკიდებლად არსებობდა, თანამდეროვე ბოლნისის მუნიციპალიტეტის სიახლოვესაა. ისტორიულმა მოვლენამ ასახვა ჰპოვა იაკობ ხუცესის ჰაგიოგრაფიულ ნაწარმოებში ,,წამებაი წმიდისა შუშანიკისი’’. სოფელ ცურტავში მდებარეობს ციხე-გალავანი ეკლესიით, რომელიც ქეთევან დედოფლის სახელობისაა. თავად ციხე საფორტიფიკაციო-თავდაცვითი მნიშვნელობისა იყო. აღნიშნული კომპლექსი თარიღდება XVIII საუკუნის 90 -იანი წლებით. 1788-1798 წლებს შორის. ქეთევან დედოფლის სახელობის ტაძარი ციხის თანადროულია, იგი დარბაზული ტიპისაა და წარმოადგენს საკულტო-თავდაცვითი დანიშნულების ნაგებობის საინტერესო სიმბოლოს-მისი კელდლები დასერილია სათოფურებით. ცურტავის ციხე განახლებულია (ან აგებულია ერეკლე მეორის მეუღლის დარეჯან დედოფლის დავალებით, რომელიც 1801 წელს რუსეთს წერდა,, ქოლაგირს ქვიტკირის დიდი ციხე და გალავანი ავაშენე’’. აღნიშნული კომპლექსის მსენებლობა უწარმოებია სტეფანე ხუროტმოძღვარს. სარესტავრაციო სამუშაოები დაწყებულია 1979 წელს რესტავრატორ ირა მოსულიშვილის მიერ.ციხე გალავნის მთელ პერიმეტრზე აღდგა ბურჯები, კიბეები, გადახურვები, ბუხრები, და ა.შ. აღდგენილია ასევე კარიბჭეები. ეკლესიაში დაგებულია იატაკი.

ტურისტულ ობიექტამდე მანძილი(მუნიციპალური ცენტრიდან) - 16კმ.