დღეს, ქართველი თანამედროვე მხატვრობის ერთ-ერთი თვალსაჩინო და გამორჩეული წარმომადგენლის, ჯემალ კუხალაშვილის დაბადების 70 წლისთავისადმი მიძღვნილი გამოფენა და ახალი ალბომის ,,მე კუხალა” პრეზენტაცია გაიმართა.

ღონისძიება გახსნა საქართველოს მწერალთა კავშირის თავმჯდომარემ, მაყვალა გონაშვილმა. გამოფენის ფარგლებში დამსწრე საზოგადოებას შესაძლებლობა მიეცათ გაცნობოდნენ მხატვრის შემოქმედებას და პირადად მიელოცათ მისთვის 70 წლის იუბილე.

ჯემალ კუხალაშვილი გახლავთ სახელმწიფო პრემიისა და გალაკტიონ ტაბიძის პრემიის ლაურეატი და „ქართული კულტურის რაინდის“ წოდების მფლობელი.

ჯემალ კუხალაშვილის შემოქმედების გამორჩეულ ხელწერას, მისი ღრმა შინაგანი სამყარო, საოცარი ფერთაგამა და თემების მრავალფეროვენება ქმნის.

ღონისძიებას, მოწვეულ სტუმრებთან ერთად, ქვემო ქართლში სახელმწიფო რწმუნებული, გიორგი დოხტურიშვილი, მოადგილესთან კახა კობერიძესთან და საქართველოს მწერალთა კავშირის წარმომადგენლებთან ერთად ესწრებოდა.