,,ბასილ მელიქიშვილის პრემიას ყოველწლიურად, 2 ოქტომბერს, მწერლის დაბადების დღეს, კომპეტენტური ჟიური 35 წლამდე პროზაიკოსს გადასცემს"- ქვემო ქართლში სახელმწიფო რწმუნებული, გიორგი დოხტურიშვილი.

პრემიის ფარგლებში გამარჯვებულს 2000 ლარიანი ფულადი ჯილდო გადაეცემა.

მუნიციპალიტეტის მკვიდრის, ცნობილი ქართველი მწერლის ბასილ მელიქიშვილის (1904-1930) სახელობის პრემია თეთრიწყაროს მერიამ გიორგი დოხტურიშვილის ინიციატივით საქართველოს მწერალთა შემოქმედებითი კავშირის, შოთა რუსთაველის სახელობის ქართული ლიტერატურის ინსტიტუტის და პარლამენტის ეროვნული ბიბლიოთეკის მხარდაჭერით დააწესა.

ხანმოკლე სიცოცხლის მიუხედავად, ბასილ მელიქიშვილმა შეძლო კვალი დაეტოვებინა ქართულ ლიტერატურაში, ის ყურადღებას იქცევს ორიგინალური აზროვნებით, ინდივიდუალური სტილით, თავისი რთული ეპოქის ობიექტური და მხატვრული გააზრებით, რის გამოც რეპრესირებულიც იყო.