ქვემო ქართლში სახელმწიფო რწმუნებული, გიორგი დოხტურიშვილი შვედეთის სამეფოში ოფიციალური ვიზიტით იმყოფება.

ვიზიტის ფარგლებში, გიორგი დოხტურიშვილი, შვედეთის სამეფოს და ფინეთის რესპუბლიკაში საქართველოს საგანგებო და სრულუფლებიანი ელჩთან, ირაკლი ხუცურაულთან ერთად ქალაქ უფსალას გუბერნატორთან სამუშაო შეხვედრა გამართა.

შეხვედრის ფარგლებში, მხარეებმა ორ რეგიონს შორის არსებული თანამშრომლობის ძირითადი მიმართულებები, რეგიონებს შორის დამეგობრობის საკითხები, ურთიერთობების შემდგომი გაღრმავების გზები და გრძელვადიანი თანამშრომლობის პერსპექტივები მიმოიხილეს.

მხარეებმა, საუბრისას ყურადღება გაამახვილეს რეგიონებში არსებულ ვითარებაზე. მნიშვნელოვანია, რომ გამოითქვა ორმხრივი მზადყოფნა სექტორული კავშირების გაფართოებაზე, რაც მნიშვნელოვნად შეუწყობს ხელს ორ რეგიონს შორის არსებული ეკონომიკური, საგანმანათლებლო, ტურიზმისა და კულტურის სფეროში ნაყოფიერ თანამშრომლობას.

ასევე, მზადყოფნა გამოითქვა ორ რეგიონს შორის სამომავლო თანამშრომლობაზე და არსებული მჭიდრო და მეგობრული ურთიერთობის გაღრმავებაზე.

შვედეთის სამეფოში ვიზიტით იმყოფება, ქვემო ქართლში სახელმწიფო რწმუნებულის პირველი მოადგილე, გიორგი შინჯიკაშვილი.

#ქვემოქართლისრეგიონი

#შვედეთისსამეფო

#რეგიონებსშორისდამეგობრება