საქართველოს პრემიერ მინისტრის, ირაკლი ღარიბაშვილის ინიციატივით საქართველოს მასშტაბით 26 მაისის აღსანიშნავად სხვადასხვა სახის გამოფენა, კულტურული და თეატრალური წარმოდგენები გაიმართა

26 მაისის ღონისძიება მთავრობის ადმინისტრაციის ორგანიზებითა და სამინისტროების ჩართულობით იმართება.

ქვემო ქართლში სახელმწიფო რწმუნებული გიორგი დოხტურიშვილი 26 მაისის ღონისძიებების ფარგლებში რუსთავის მერთან, ნინო ლაცაბიძესთან ერთად ცენტრალურ მოედანზე გამართულ ღონისძიებებს დაესწრო და მერაბ კოსტავას ბიუსტი, საზეიმოდ, ყვავილებით შეამკო.

,,მე ამაყი ვარ, რომ დღეს, 26 მაისს საქართველოს ისტორიისთვის უმნიშვნელოვანეს დღეს, ჩვენი ქვეყნის უმთავრეს ეროვნულ დღესასწაულს აღვნიშნავთ. 
განსაკუთრებით კი წელს, როდესაც საქართველოს განაცხადი ნათელი და მკაფიოა. ჩვენი ისტორიით, ფასეულობებითა და ღირებულებებით გვინდა და ვთანხმდებით ევროპულ ოჯახში დაბრუნებაზე.

26 მაისი იქცა დღედ, რომელიც თითოეული ჩვენგანისთვის სამშობლოს სიყვარულის მაგალითი გახდა და დამოუკიდებლობის, თავისუფლების სიმბოლოდ გადაიქცა.

დღეს, რუსთავის ცენტრალურ მოედანზე, ყველამ ერთად საზეიმოდ აღვნიშნოთ დამოუკიდებლობის გამოცხადება".

#26მაისი
#ესდღეჩვენია
#ევროპისკენ