საქართველოს პარლამენტის ეროვნულ ბიბლიოთეკაში საგანმანათლებლო პროექტი „დიდგორელის“ ფინალური ეტაპი გაიმართა.

ქვემო ქართლში სახელმწიფო რწმუნებულის გიორგი დოხტურიშვილის მიერ დაწესებული სპეციალური პრიზი, გამარჯვებულს, ლიზი ტაბატაძეს  გადაეცა. ლიზი ასევე, კომპანია "არემჯის" სტიპენდიანტიც გახდა. ღონისძიებას ესწრებოდა ქვემო ქართლში სახელმწიფო რწმუნებულის მოადგილე - კახა კობერიძე.

პროექტ „დიდგორელის“ ავტორია ისტორიკოსი, ადგილობრივი თვითმმართველობის ორგანოებთან ურთიერთობის სამსახურის უფროსი - ლევან ჟვანია.  

2019 წელს დაწყებულმა პროექტმა სრულად მოიცვა ქვემო ქართლი. ამ ეტაპზე კი, პროექტი მესტიის და მცხეთის მუნიციპალიტეტებში მიმდინარეობს. რუსთავის მუნიციპალიტეტის მასშტაბით კონკურსში 400-ზე მეტი ახალგაზრდა მონაწილებდა.

საპრიზო ადგილები აკაკი უგრეხელიძემ და ანამარია შეყილაძემ მოიპოვეს. ფინალისტები დაჯილდოვდნენ საქართველოს მთავრობის ადმინისტრაციის, საქართველოს თავდაცვის ძალების, საქართველოს საგარეო საქმეთა სამინისტროს, ნატოს ევროკავშირის შესახებ საინფორმაციო ცენტრის, რუსთავის მუნიციპალიტეტის მერიისა და სოხუმის სახელმწიფო უნივერსიტეტის მიერ.