ქვემო ქართლში სახელმწიფო რწმუნებული გიორგი დოხტურიშვილი, რუსთავის ვიცე მერთან,  კახა გურულთან ერთად, ამერიკის შეერთებული შტატების ელჩს, კელი დეგნანს შეხვდა. 

მხარეებმა სამუშაო შეხვედრის ფორმატში, რეგიონისა და მასში შემავალი მუნიციპალიტეტების განვითარების ეტაპებზე იმსჯელეს. საუბარი შეეხო ქვემო ქართლში ამერიკული მხარისა და დიპლომატიური კორპუსის მიერ განხორციელებულ პროექტებს, სტრატეგიული პარტნიორობის საკითხებს და სამომავლო თანამშრომლობის პერსპექტივებს. 

გიორგი დოხტურიშვილმა, კელი დეგნანს გაწეული მრავალმხრივი და ნაყოფიერი საქმიანობისთვის მადლობა გადაუხადა და ერთობლივი თანამშრომლობის პროცესში მხარდაჭერას დაპირდა.