ქვემო ქართლში სახელმწიფო რწმუნებული გიორგი დოხტურიშვილი, ქართული ენის დღესთან დაკავშირებით, თბილისის საკრებულოში, „სახელმწიფო ენის ელჩები“-ს კურსდამთავრებულების დაჯილდოების ცერემონას დაესწრო და პროგრამის წარმატებულ მონაწილეებს სერთიფიკატები პირადად გადასცა.

ღონისძიება საქართველოს განათლებისა და მეცნიერების მინისტრმა მიხეილ ჩხენკელმა გახსნა. დაჯილდოებაში მონაწილეობა შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა, თბილისის საკრებულოს თავმჯდომარე გიორგი ტყემალაძემ, სახელმწიფო ენის დეპარტამენტის თავმჯდომარე გიორგი ალიბეგაშვილმა და ზურაბ ჟვანიას სახელობის სახელმწიფო ადმინისტრირების სკოლის ხელმძღვანელმა ქეთევან ჯაყელმა მიიღეს.  

ხელისუფლების წარმომადგენლებმა პროგრამის – „სახელმწიფო ენის ელჩების“ მნიშვნელობაზე და სამოქალაქო ინტეგრაციის პროცესში ქართული ენის ცოდნის აუცილებლობაზე გაამახვილეს ყურადღება - მხარეში სახელმწიფო რწმუნებულმა, რეგიონის მასშტაბით  არსებულ მიღწევებზე და ჯერ კიდევ არსებულ გამოწვევებზე ისაუბრა.

სახელმწიფო ენის სწავლებისა და ინტეგრაციის საკითხებში ტრენერთა მომზადება-გადამზადების სასერტიფიკატო პროგრამა – „სახელმწიფო ენის ელჩები“ საქართველოს განათლებისა და მეცნიერების სამინისტროს სსიპ ზურაბ ჟვანიას სახელობის სახელმწიფო ადმინისტრირების სკოლამ განახორციელა. პროგრამის ფარგლებში, კონკურსის გავლის შედეგად, თბილისიდან, ქვემო ქართლის, სამცხე-ჯავახეთისა და კახეთის რეგიონებიდან შეირჩა 20 ტრენერი, რომლებმაც 6 თვიანი, როგორც თეორიული, ასევე, პრაქტიკული გადამზადება გაიარეს. კურსის დასრულების შემდეგ ისინი ეროვნული უმცირესობების წარმომადგენლებს სახელმწიფო ენას შეასწავლიან.