რუსთავის კულტურისა და დასვენების პარკში, საქართველოს დამსახურებული მწვრთნელის, ოთარ ხმელიძის სახელობის ვარსკვლავი გაიხსნა.

ღონისძიებას, ქვემო ქართლში სახელმწიფო რწმუნებული, შოთა რეხვიაშვილი, რუსთავის მერი, ირაკლი ტაბაღუა, ადგილობრივი ხელისუფლების წარმომადგენლები, სპორტსმენები და სხვა მიწვეული სტუმრები დაესწრნენ.

აღსანიშნავია, რომ 2002 წელს, ოთარ ხმელიძეს საქართველოს კალათბურთის ეროვნულმა ფედერაციამ დამსახურებული მწვრთნელის წოდება მიანიჭა, რამდენჯერმე იყო ქართული „ოლსტარის“ გუნდის მწვრთნელი, დასახელებულია საქართველოს საუკეთესო მწვრთნელად და მიღებული აქვს საერთაშორისო ოლიმპიური კომიტეტის სიგელი, ხუან ანტონიო სამარანჩის ხელმოწერით.

ოთარ ხმელიძე რუსთავის საპატიო მოქალაქეა და დაჯილდოებულია ღირსების მედლით.