ქვემო ქართლში სახელმწიფო რწმუნებული, შოთა რეხვიაშვილი, დმანისის მუნიციპალიტეტში, აზერბაიჯანელი სახალხო პოეტისა და მწერლის, საიუბილეო ღონისძიებას დაესწრო - სოფელ კიზილქილისაში მცხოვრებ საადათ აბდულაევას 70 წლისთავი პირადად მიულოცა და ორ ქვეყანას შორის არსებული კულტურულ-საგანმანათლებლო კავშირების განვითარების საქმეში შეტანილი განსაკუთრებული წვლილისთვის, სახელმწიფო რწმუნებულის ადმინისტრაციის სპეციალური სიგელი გადასცა.

საადათ აბდულაევა, 1951 წელს, დმანისის მუნიციპალიტეტის სოფელ კიზილქილისაში, მასწავლებლის ოჯახში დაიბადა. მისი პირველი ლექსები 1966 წლიდან საქართველოში სხვადასხვა წარმატებულ ჟურნალ-გაზეთებში იბეჭდებოდა. მწერლის პირველი წიგნი ,,მთები მეძახიან“ 1997 წელს გამოქვეყნდა - სულ კი 16 წიგნის ავტორია.

ღონისძიებას დმანისის მერის მოადგილე, არიფ სულეიმანოვი, დმანისის საკრებულოს წევრები, საქართველოს აზერბაიჯანელთა კონგრესის თავმჯდომარე, აშუღები, სკოლის დირექტორები და პედაგოგები დაესწრნენ.