ქვემო ქართლში სახელმწიფო რწმუნებულმა, მასობრივი ვაქცინაციის პროცესში საზოგადოების აქტიური ჩართულობის ხელშეწყობის მიზნით, „ქართლი ტექსტილში“ საინფორმაციო შეხვედრა გამართა - შოთა რეხვიაშვილმა, სამკერვალო საწარმოში დასაქმებულებთან, დეტალურად ისაუბრა ქვეყანაში, ბოლო პერიოდში, არსებულ მზარდ კოვიდ-სტატისტიკაზე და ამ მიმართულებით არსებულ გამოწვევებზე.

ვაქცინაციის აუცილებლობის შესახებ, ადგილზე დასაქმებულ ეთნიკური უმცირესობის წარმომადგენლებს პირადად გაესაუბრა სრულიად საქართველოს მუსლიმთა სამმართველოს შეიხი, რამინ იგიდოვიც, რომელმაც მოქალაქეებს პროცესში ჩართვისკენ პირადი მაგალითის საფუძველზე მოუწოდა.

საინფორმაციო შეხვედრაში მონაწილეობა მიიღეს სამხარეო ადმინისტრაციის, რუსთავის მუნიციპალიტეტისა და საზოგადოებრივი ჯანდაცვის რეგიონული სამსახურის ხელმძღვანელმა პირებმა და ვაქცინაციის მნიშნელობასთან დაკავშირებით, აუდიტორიას, პროფესიული რჩევები და საკუთარი გამოცდილება გაუზიარეს.