ქვემო ქართლში სახელმწიფო რწმუნებულის მოადგილე, კახა კობერიძე და რუსთავის მერი, ირაკლი ტაბაღუა, სოციალურ საწარმო ,,კაფუნეში“ საერთაშორისო-არასამთავრობო ორგანიზაცია ,,მერსი ქორფსის’’ ინიციატივით პროექტის „სოციალური მეწარმეობა სომხეთსა და საქართველოში“, ფარგლებში გამართულ აქტივობას დაესწრნენ. 

ღონისძიებაზე, პროექტის საგრანტო კონკურსში გამარჯვებულ შვიდ სოციალურ საწარმოსთან გაფორმდა ხელშეკრულება, რომლებიც საქმიანობის გასაფართოვებლად ფინანსურ მხარდაჭერას მიიღებენ. აღსანიშნავია, რომ მათგან  ოთხი  ქვემო ქართლის რეგიონიდან შეირჩა.

პროექტი ევროკავშირი ახალგაზრდობისთვის (EU4Youth) პროგრამის ეგიდით, საქართველოსა და სომხეთის მოსაზღვრე რეგიონებში 2020 წლიდან ხორციელდება და ახალგაზრდების სწავლის, დასაქმების, საზოგადოებრივ ცხოვრებაში აქტიური ჩართულობისა და საკუთარი პოტენციალის მაქსიმალურ გამოვლენას ისახავს მიზნად. 

ღონისძიებას ევროკავშირის დელეგაციის, სოციალურ მეწარმეობაში ჩართული სხვადასხვა ორგანიზაციისა და ფინანსური ინსტიტუტების წარმომადგენლები, ახალგაზრდა ევროპელი ელჩები და სხვა მიწვეული სტუმრები  ესწრებოდნენ.