რუსთავის მერიაში ბავშვთა უფლებების დაცვის შესახებ სამუშაო შეხვედრა გაიმართა. თემატურ განხილვაში მონაწილეობა, საქართველოს პარლამენტში რუსთავის მაჟორიტარმა დეპუტატმა ნინო ლაცაბიძემ, ბავშვთა უფლებების დაცვის მუდმივმოქმედი საპარლამენტო საბჭოს თავმჯდომარე ანა ბუჩუკურმა, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე თამილა ბარკალაიამ, ქვემო ქართლში სახელმწიფო რწმუნებულის მოადგილე კახა კობერიძემ, რუსთავის მერმა ირაკლი ტაბაღუამ, საკრებულოს თავმჯდომარე ლევან ონიანმა და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დირექტორმა მერი მაღლაფერიძემ, ადგილობრივი ხელისუფლების სხვა წარმომადგენლებთან ერთად მიიღეს.

შეხვედრაზე, ბავშვთა უფლებების დაცვის საკითხებთან დაკავშირებით, მუნიციპალიტეტის მიერ განხორციელებულ და დაგეგმილ ღონისძიებებზე იმსჯელეს. აღინიშნა, რომ რომ საქართველოს პარლამენტის მიერ მიღებულ ბავშვის უფლებათა კოდექსში ყურადღება მუნიციპალურ დონეზე სოციალური სამსახურის შექმნაზეა გამახვილებული - რუსთავში ამ მიმართულებით განყოფილება უკვე ფუნქციონირებს და თემატური პრობლემების იდენტიფიცირებისთვის, ქალაქში საკოორდინაციო საბჭოც ჩამოყალიბდება.