საქართველოს მთავრობამ დაიწყო კიდევ ერთი პროექტი, რომელიც პანდემიის შედეგად დაზარალებული ჩვენი ეკონომიკის აღდგენისთვის კიდევ ერთი სტიმული იქნება.

„იმუშავე საქართველოდან“ - ეს არის ტურიზმის ეროვნული ადმინისტრაციის პლატფორმა, რომელიც საქართველოში დისტანციურად მუშაობის მსურველ უცხო ქვეყნის მაღალანაზღაურებად მოქალაქეებს საქართველოში უმასპინძლებს.

პანდემიის გამო საერთაშორისო ორგანიზაციებში დასაქმებულთა დიდი ნაწილი დისტანციურ - ონლაინ სამუშაო რეჟიმზე გადავიდა. საქართველოს პანდემიასთან ბრძოლის წარმატება და საერთაშორისო აღიარება კი შესაძლებლობას იძლევა, დისტანციურად მომუშავეებმა არჩევანი სწორედ ჩვენს ქვეყანაზე გააკეთონ.

95 ქვეყნის დისტანციურად მომუშავე სხვადასხვა გლობალური კომპანიის თანამშრომლებს, საქართველოს მთავრობა სთავაზობს, მინიმუმ 180 დღის განმავლობაში დისტანციურად შეასრულონ სამუშაო.

ჩამოსვლის მსურველები წინასწარ, https://stopcov.ge/-ზე შეავსებენ სპეციალურ ფორმებს და დოკუმენტურად დაადასტურებენ ქვეყანაში შემოსვლისთვის აუცილებელ პირობებს. გარდა ამისა, საკუთარი სახსრებით სრულად უზრუნველყოფენ 2 კვირიან კარანტინსა და ტესტირებას. (შესავსები ფორმის ბმული: https://registration.gov.ge/pub/form/20/ydrv71/)

შედეგად, საქართველოში ჩამოვლენ მაღალმხარჯველუნარიანი ტურისტები, რომლებსაც საშუალება ექნებათ ოჯახის წევრებთან ერთად იმოგზაურონ საქართველოს სხვადასხვა მხარეში, ისარგებლონ სხვადასხვა სერვისით, გაეცნონ ადგილობრივ კულტურას და სამზარეულოს, რაც ხელს შეუწყობს ჩვენი კერძო სექტორს დანაკარგების სწრაფად აღდგენას.