კომპანია ,,ჰუმანას“ ხელმძღვანელმა პირებმა, ქვემო ქართლში სახელმწიფო რწმუნებულსა და რუსთავის მერს მუნიციპალიტეტში მცხოვრები მოწყვლადი კატეგორიის ოჯახებისთვის, ჩვილ ბავშვთა კვებისა და ჰიგიენური საშუალებების პაკეტები გადასცა.

სახელმწიფო რწმუნებულმა, შოთა რეხვიაშვილმა, კომპანიის წარმომადგენლებს მადლობა გადაუხადა და აღნიშნა, რომ ქვეყანაში შექმნილი ვითარებიდან გამომდინარე, განსაკუთრებულად მნიშვნელოვანია კერძო სექტორის სოციალურ აქტივობებში ჩართულობა და სამიზნე ჯგუფების დახმარება.

აღსანიშნავია, რომ ამ ეტაპამდე რეგიონის მუნიციპალიტეტებისა და ადგილობრივი ბიზნესის წარმომადგენლების ერთობლივი ძალისხმევით, 16 200-ზე მეტ მოწყვლადი კატეგორიის ოჯახს, უკვე გაეწია შესაბამისი დახმარება.