საქართველოს პარლამენტის ეროვნულ ბიბლიოთეკაში რუსთაველი კალიგრაფების ნამუშევრების გამოფენა გაიხსნა. ღონისძიების ფარგლებში, ახალგაზრდა შემოქმედები, დამთვალიერებლის წინაშე,  ქართული ლიტერატურისადმი მიძღვნილი ნამუშევრებით - ცნობილი მწერლების ციტატების მხატვრულად გაფორმებული ხელნაწერებით წარდგნენ. 

გამოფენის გახსნას ქვემო ქართლში სახელმწიფო რწმუნებულის მოადგილე კახა კობერიძე, ეროვნული ბიბლიოთეკის წარმომადგენლები, ღონისძიების ორგანიზატორები და გამომცემლობების თანამშრომლები დაესწრნენ.

აღსანიშნავია, რომ ღონისძიებაში მონაწილეობდა სკოლა "ლაზარე", რომელიც ქვემო ქართლში სახელმწიფო რწმუნებულის ადმინისტრაციის მხარდაჭერით, წლების განმავლობაში, აქტიურად ახორციელებს კალიგრაფიის საქალაქო და რეგიონულ კონკურსებს.