ქვემო ქართლის რეგიონში, გარემოს დაცვისა და სოფლის მეურნეობის სამინისტროს ინიციატივით, სამუშაო შეხვედრა გაიმართა, რომლის ფარგლებშიც, სახელმწიფო უწყებების წარმომადგენლებმა დარგის განვითარების მიზნით მიმდინარე და დაგეგმილი პროექტების შესახებ ისაუბრეს.

მარნეულის მუნიციპალიტეტის მერიაში მიმდინარე შეხვედრაში მონაწილეობა, ქვემო ქართლში სახელმწიფო რწმუნებულის მოადგილე კახა კობერიძემ, სოფლისა და სოფლის მეურნეობის განვითარების სააგენტოს დირექტორის პირველმა მოადგილე ოთარ შამუგიამ და ადგილობრივი მუნიციპალიტეტების მერებმა მიიღეს.

შეხვედრაზე ყურადღება გამახვილდა სამინისტროს პროგრამებისა და სერვისების შესახებ მოსახლეობის ინფორმირების მექანიზმებზე და პროცესში ადგილობრივი ხელისუფლების ჩართულობის მნიშვნელობაზე.

ღონისძიების ფარგლებში, მოეწყო თემატური პრეზენტაციები სოფლის მეურნეობის სხვადასხვა სექტორში უკვე განხორციელებული სამუშაოებისა და სამომავლო გეგმების შესახებ.