ნიკო ფიროსმანის სახელობის რუსთავის სამხატვრო სკოლაში, რუსთაველი მხატვრის, კონსტანტინე ქურციკიძის ნამუშევრების პერსონალური გამოფენა გაიმართა.

ღონისძიებას, რომელიც მხატვრის 70 წლის იუბილეს მიეძღვნა, ქვემო ქართლში სახელმწიფო რწმუნებულის მოადგილე კახა კობერიძე,რუსთავის მერი ირაკლი ტაბაღუა, საკრებულოს თავმჯდომარის მოადგილე ნინო ქავთარაძე და სხვა მიწვეული სტუმრები დაესწრნენ.

მხარისა და ქალაქის ხელმძღვანელმა პირებმა, კონსტანტინე ქურციკიძეს 70 წლის იუბილე მიულოცეს, შემოქმედებით საქმიანობაში წარმატებები უსურვეს და ქალაქის კულტურულ ცხოვრებაში შეტანილი განსაკუთრებული წვლილისთვის სპეციალური სიგელები გადასცეს.

გამოფენა, სამხატვრო სკოლის ორგანიზებითა და რუსთავის სახელოვნებო, სპორტისა და ახალგაზრდობის განვითარების ცენტრის ხელშეწყობით გაიმართა.