ბოლნისში, სტიქიის შედეგად დაზარალებულ მოსახლეობას, ქვემო ქართლში სახელმწიფო რწმუნებულის პირველი მოადგილე, ზვიად ჭუნაშვილი, საქართველოს პარლამენტში მუნიციპალიტეტის მაჟორიტარი დეპუტატი, გოგი მეშველიანი და მუნიციპალიტეტის მერი, დავით შერაზადიშვლი პირადად შეხვდნენ და ადგილზე არსებულ მდგომარეობას გაეცნენ.

ხელისუფლებისა და შესაბამისი სამსახურების წარმომადგენლებმა, ძლიერი ქარის შედეგად დაზიანებული საცხოვრებელი სახლები, სპეციალური კომისიის წევრებთან ერთად, დაათვალიერეს და ადგილობრივებს დახმარება აღუთქვეს.

აღსანიშნავია, რომ სტიქიამ, მუნიციპალიტეტის 4 სოფელში, ქალაქ ბოლნისსა და დაბა კაზრეთში, 50-მდე საცხოვრებელი სახლი დააზიანა. ზარალის ოდენობის დადგენის მიზნით, სპეციალური კომისია უწყვეტ რეჟიმში მუშაობს და შესაბამისი დასკვნის საფუძველზე დახმარება ყველა ოჯახს გაეწევა.