გარდაბნის მუნიციპალიტეტში ტრადიციული საშობაო ალილო გაიმართა, რომელსაც ქვემო ქართლში სახელმწიფო რწმუნებული შოთა რეხვიაშვილი მუნიციპალიტეტის მერთან და საკრებულოს თავმჯდომარესთან ერთად შეუერთდა.

სადღესასწაულო მსვლელობა ღვთისმშობლის შობის სახელობის ტაძრის მიმდებარე ტერიტორიიდან დაიწყო, რომელშიც მონაწილეობა მიიღეს ტაძრის წინამძღვარმა, ადგილობრივი ეპარქიის წარმომადგენლებმა და მომლოცველებმა.

მხარისა და მუნიციპალიტეტის ხელმძღვანელმა პირებმა, საშობაო ნობათი მარტყოფისა და ნორიოს მცირე საოჯახო ტიპის ბავშვთა სახლებსა და შშმ პირთა ცენტრის ბენეფიციარებს გადასცეს.