6 დეკემბერს, რუსთავში მხარისა და ადგილობრი ხელისუფლების წარმომადგენლები ქალთა მიმართ ძალადობის წინააღმდეგ ბრძოლის 16 დღიანი კამპანიის ფარგლებში გამართულ საინფორმაციო შეხვედრას დაესწრნენ.

კამპანიის ფარგლებში უფროსი ასაკის მოსწავლეებს თემატური პრეზენტაცი გააცნეს, შინაგან საქმეთა სამინისტროს ადამიანის უფლებათა დაცვის სამმართველოსა და საგანგებო სიტუაციების მართვის ცენტრის - 112-ის, წარმომადგენლებმა. შეხვედრის მიმდინარეობისას ადგილობრივმა ახალგაზრდება მათთვის საინტერესო საკითხები დიალოგის რეჟიმში განიხილეს.

საქართველოს მთავრობის ინიციატივით მიმდინარე კამპანიის მიზანია მოსახლეობის ინფორმირებულობის გაზრდა ძალადობის ფენომენისა და კანონმდებლობის შესახებ, სადაც მონაწილეობას იღებენ გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორისი კომისიის წევრი სახელმწიფო უწყებები.

თემატური აქტივობები 16 დღიანი კამპანიის ფარგლებში ეტაპობრივად რეგიონის ყველა მუნიციპალიტეტში გაიმართება.