რუსთავის შშმ პირთა ცენტრში, შეზღუდული შესაძლებლობის მქონე პირთა უფლებების დაცვის საერთაშორისო დღე აღნიშნეს. განსაკუთრებული საჭიროების მქონე პირებმა სტუმრების წინაშე ტრადიციულად თეატრალური წარმოდგენა გამართეს.

ღონისძიებას ქვემო ქართლში სახელმწიფო რწმუნებულის მოადგილე კახა კობერიძე, ქალაქის მერი ირაკლი ტაბაღუა, მუნიციპალიტეტის საკრებულოს თავმჯდომარე, ლევან ონიანი სხვა მიწვეული სტუმრები დაესწრნენ.

ხელისუფლების წარმომადგენლებმა შეზღუდული შესაძლებლობების მქონე პირთა ცენტრის ხელმძღვანელს, პედაგოგებსა და ბენეფიციარებს საერთაშორისო თარიღი მიულოცეს და ღონისძიების ორგანიზებისთვის მადლობა გადაუხადეს.