სახელმწიფო პროგრამების შესახებ რეგიონში მიმდინარე საინფორმაციო კამპანიის ფარგლებში, თემატური შეხვედრა ამჯერად მარნეულის მუნიციპალიტეტში გაიმართა. სამხარეო ადმინისტრაციის, გარემოს დაცვისა და სოფლის მეურნეობის სამინისტროსა და ადგილობრივი ხელისუფლების წარმომადგენლებმა, ფერმერებს დარგის განვითარების მიზნით განხორციელებული, მიმდინარე და დაგეგმილი პროექტები გააცნეს. შეხვედრის მიმდინარეობისას, თემით დაინტერესებულმა მოქალაქეებმა მათთვის საინტერესო საკითხები დიალოგის რეჟიმში განიხილეს.

აღსანიშნავია, რომ ქვემო ქართლში სახელმწიფო რწმუნებულის ადმინისტრაციის ინიციატივით, მსგავსი ფორმატის შეხვედრები, ეტაპობრივად, რეგიონის ყველა მუნიციპალიტეტში ჩატარდება.