1 ნოემბერს, ქვემო ქართლში სახელმწიფო რწმუნებულის მოადგილე კახა კობერიძემ, სახალხო დამცველთან არსებული ეროვნული უმცირესობების საბჭოს წევრებთან სამუშაო შეხვედრა გამართა. მხარეებმა სამოქალაქო თანასწორობისა და ინტეგრაციის სახელმწიფო სტრატეგიის 2019 წლის სამოქმედო გეგმის შესახებ იმსჯელეს.

მონიტორინგის ფარგლებში დეტალურად განიხილეს პროგრამები, რომელსაც სახელმწიფო განათლების ხელმისაწვდომობის, დასაქმების ხელშეწყობისა და გენდერული კვოტირების მიმართულებით ახორციელებს.

რწმუნებულის მოადგილემ, შეხვედრის მიმდინარეობისას, ყურადღება გაამახვილა ეთნიკური უმცირესობების სამოქალაქო ინტეგრაციის მიმართულებით მიმდინარე და დაგეგმილ ღონისძიებებზე, რომელიც რეგიონის მასშტაბით სამხარეო ადმინისტრაციის ინიციატივითა და ხელშეწყობით ხორციელდება.