ქვემო ქართლში სახელმწიფო რწმუნებული, შოთა რეხვიაშვილი ფოლკლორული ანსამბლი "ბეთანია“-ს" ხელმძღვანელის, ზაქარია ბერაძის ვარსკვლავის გახსნის ღონისძიებას დაესწრო.

სახელმწიფო რწმუნებულმა დამსახურებულ და ღვაწლმოსილ ლოტბარს, ქართული კულტურისა და ფოლკლორის განვითარება-პოპულარიზაციის პროცესში შეტანილი განსაკუთრებული წვლილისთვის მადლობა გადაუხადა და სიმბოლური საჩუქარი გადასცა.

ზაქარია ბერაძე გარდაბნის საპატიო მოქალაქეა, დაჯილდოებულია ღირსების ორდენით, აქვს სიმღერისა და ცეკვის სახელმწიფო ანსამბლებში მრავალწლიანი მოღვაწეობის გამოცდილება,
40 წელზე მეტია ხელმძღვანელობს გარდაბნის სახალხო ანსამბლ “ბეთანია“- ს და მისი უცვლელი ლოტბარია.

80 წლის იუბილესადმი მიძღვნილ საღამოს, გარდაბნის მუნიციპალიტეტის მერი რამაზ ბუდაღაშვილი, საკრებულოს თავმჯდომარე ტარიელ ჯანხოთელი, ადგილობრივი ხელისუფლების წარმომადგენლები და ლოტბარის მეგობრები დაესწრნენ.