რუსთავის 23-ე საჯარო სკოლაში, დედა ენის ძეგლი საზეიმოდ გაიხსნა. ღონისძიებას, ქვემო ქართლში სახელმწიფო რწმუნებულის მოადგილე კახა კობერიძე, რუსთავის მერის მოადგილე გოჩა ლორია, საკრებულოს თავმჯდომარის მოადგილეები - ნინო ქავთარაძე და დავით რეხვიაშვილი, საგანმანათლებლო რესურსცენტრის ხელმძღვანელი თამარ ხეჩიკაშვილი და სხვა მიწვეული სტუმრები დაესწრნენ. 

სკოლის სააქტო დარბაზში, პედაგოგ ნანა გოგიტაურის პირველკლასელი მოსწავლეების მონაწილეობით, დედა ენისადმი მიძღვნილი ღონისძიება გაიმართა. 
დაწყებითი კლასის მოსწავლეებს, პირველი სასწავლო წლის დასრულების აღსანიშნავად, სამახსოვრო დიპლომები გადასცეს. 

ღონისძიებაზე მიწვეული იყო ანსამბლი ,,თუთარჩელა’’, რომლის წევრებმა შეკრებილი საზოგადოებისთვის, რამდენიმე მუსიკალური ნომერი შეასრულეს.