ბოლნისის მუნიციპალიტეტში გამწვანების მორიგი აქცია გაიმართა, რომელსაც ქვემო ქართლში სახელმწიფო რწმუნებული, შოთა რეხვიაშვილი, მოადგილე ზვიად ჭუნაშვილი, საქართველოს პარლამენტში ბოლნისის მაჟორიტარი დეპუტატი, გოგი მეშველიანი, მუნიციპალიტეტის მერი დავით შერაზადიშვილი შეუერთდნენ. 

ცენტრალური და ადგილობრივი ხელისუფლების წარმომადგენლებმა, გამწვანების სამსახურის თანამშრომლებთან ერთად ე.წ სასროლეთის ტერიტორიაზე კედარის 300 ნერგი დარგეს.

აღნიშნულ ტერიტორიაზე პირველი გამწვანების აქციის ფარგლებში, 2016 წელს, 4000 ნერგი ქართული მუხა, თრიმლი, იფანი და აკაკის ხე დაირგო. გასულ წელს კი 410 ძირი შავი ფიჭვი, ცაცხვი, ნეკერჩხალი, იფანი და თრიმლი დაემატა.