დღეს, საქართველოს პირველი პრეზიდენტის, დაბადებიდან 80 წელი შესრულდა. ზვიად გამსახურდიას, საიუბილეო თარიღი რუსთავის ილია ჭავჭავაძის სახლობის ცენტრალურ ბიბლიოთეკაში სპეციალური ღონისძიებით აღინიშნა. მოეწყო თემატური ფოტო და ვიდეო მასალის ჩვენება. 

ღონისძიებას ქვემო ქართლში სახელმწიფო რწმუნებულის მოადგილე, კახა კობერიძე, ქალაქის მერი, ირაკლი ტაბაღუა, რუსთაველი მწერლები და ადგილობრივი ხელისუფლების სხვა წარმომადგენლები დაესწრნენ, რომლებმაც კიდევ ერთხელ გაიხსენეს საქართველოს პირველი პრეზიდენტი და მისი დამსახურება ქვეყნის წინაშე. 

აღსანიშნავია, რომ 1991 წლის 31 მარტს, პირველი პრეზიდენტის ზვიად გამსახურდიას გადაწყეტილებით საყოველთაო რეფერენდუმი ჩატარდა.
შეკითხვაზე: "ხართ თუ არა თანახმა, რომ აღდგეს საქართველოს სახელმწიფოებრივი დამოუკიდებლობა 1918 წლის 26 მაისის აქტის საფუძველზე"- საქართველოს მოსახლეობის 98%-მა დადებითად უპასუხა, რის შედეგადაც 1991 წლის 9 აპრილს საქართველოს რესპუბლიკის უზენაესმა საბჭომ სახელმწიფოებრივი დამოუკიდებლობის აღდგენა გამოაცხადა.