ქვემო ქართლის გუბერნატორი, შოთა რეხვიაშვილი, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, საჯარო რეესტრის ეროვნული სააგენტოსა და გარდაბნის მუნიციპალიტეტის წარმომადგენლებს შეხვდა.

სამუშაო შეხვედრაზე 80-90-იან წლებში გარდაბნის მუნიციპალიტეტში ჩასახლებული ეკომიგრანტი ოჯახებისათვის გადაცემული საცხოვრებელი სახლების კერძო საკუთრებაში დარეგისტრირების შესახებ იმსჯელეს. საკითხის ეტაპობრივად გადაწყვეტის მიზნით დაიგეგმა სამომავლოდ ერთობლივად განსახორციელებელი ღონისძიებები.