ქვემო ქართლში სახელმწიფო რწმუნებული-გუბერნატორი შოთა რეხვიაშვილი, გუბერნატორის მოადგილე, კახა კობერიძე, ქალაქის მერის მოადგილე, დავით კეკელიძე, სამხარე ადმინისტრაციისა და რუსთავის თვითთმართველობის წარმომადგენლებთან ერთად, საქართველოს წითელი ჯვრის საზოგადოების პრეზიდენტს და ორგანიზაციის წევრებს შეხვდნენ. 

მხარის გუბერნატორს, წითელი ჯვრის საზოგადოების წარმომადგენლებმა, მათი საქმიანობის შესახებ დეტალური ინფორმაცია მიაწოდეს და სამომავლოდ დაგეგმილი ღონისძიებების შესახებ ესაუბრნენ. 

შეხვედრის მონაწილეებმა ურთიერთთანამშრომლობის სამომავლო პერსპექტივები განიხილეს, რომელიც ორგანიზაციის აქტივობებში ქვემო ქართლის მუნიციპალიტეტების შესაბამისი სამსახურების აქტიურ ჩართულობასა და რეგიონალური კრიზისების მართვის მოსამზადებელი ტრენინგ ცენტრის გახსნას ითვალისწინებს. 

დაიგეგმა გაფართოებული სამუშაო შეხვედრა, სადაც სამხარეო ადმინისტრაციისა და მუნიციპალიტეტების ხელმძღვანელ პირებს, წითელი ჯვრის ორგანიზაციის წარმომადგენლები, საქმიანობის დეტალურ ანგარიშს წარუდგენენ.