ქვემო ქართლში სახელმწიფო რწმუნებულის-გუბერნატორის მოვალეობის შემსრულებელმა, ალექსანდრე მეტრეველმა, ბოლნისის მუნიციპალიტეტში აგვისტოს ომის გმირების ხსოვნას პატივი მიაგო და ცენტრალური და ადგილობრივი ხელისუფლების წარმომადგენლებთან ერთად, გარდაცვლილთა საფლავები ყვავილებით შეამკო. 

დღესვე ალექსანდრე მეტრეველი დმანისის მუნიციპალიტეტშიც იმყოფებოდა, სადაც აგვისტოს ომის გმირებისადმი მიძღვნილი ღონისძიება გაიმართა. 

გუბერნატორის მოვალეობის შემსრულებელმა და დმანისის მუნიციპალიტეტის ხელმძღვანელმა პირებმა, გვირგვინით შეამკეს საქართველოს ერთიანობისთვის დაღუპულ გმირთა მემორიალი. ადგილზე აღევლინა გარდაცვლილთა სულის მოსახსენებელი პანაშვიდი. გმირთა მემორიალთან შეკრებილმა მოქალაქეებმა სიმბოლური ,,ცოცხალი ჯაჭვი“ შეკრეს.