ქვემო ქართლში სახელმწიფო რწმუნებულის-გუბერნატორის მოდგილე ზაურ დარგალმა, თეთრიწყაროს მუნიციპალიტეტის მერმა გიორგი ქორიძემ, 2008 წლის რუსეთ–საქართველოს ომში დაღუპული გმირის, ვლადიმერ დავითაშვილის მემორიალი ყვავილებით შეამკეს და მის ხსოვნას პატივი მიაგეს.

ჯარისკაცის მემორიალთან, საომარი მოქმედებების დროს გარდაცვლილი მეომრების სულების მოსახსენიებელი პანაშვიდი აღევლინა.

დღესვე გუბერნატორის მოადგილე მარნეულის მუნიციპალიტეტშიც იმყოფებოდა, სადაც ადგილობრივი ხელისუფლების წარმომადგენლებთან ერთად პატივი მიაგო აგვისტოს ომის გმირების ხსოვნას და მემორიალი გვირგვინით შეამკო.

რეგიონისა და მუნიციპალიტეტის ხელმძღვანელი პირები, ადგილობრივი ახალგაზრდების მონაწილეობით გამართულ ღონისძიებას დაესწრნენ, სადაც ომის მონაწილე გმირები გაიხსენეს. პროგრამის ფარგლებში მოეწყო დოკუმენტური მასალის ჩვენება და გათამაშდა პერფორმანსი ,,მეგობრობიდან მეგობრობამდე“.