17 მაისს, ოჯახის სიწმინდისა და მშობლების პატივისცემის დღესთან დაკავშირებით, რუსთავში ვახტანგ გორგასლის სახელობის ტაძრიდან სახალხო მსვლელობა მოეწყო, რომელშიც რუსთველი მიტროპოლიტი, მეუფე იოანე გამრეკელი, ქვემო ქართლში სახელმწიფო რწმუნებული-გუბერნატორი, გრიგოლ ნემსაძე, გუბერნატორის პირველი მოადგილე, ალექსანდრე მეტრეველი, ქალაქის მერი, ირაკლი ტაბაღუა და ადგილობრივი ხელისუფლების სხვა წარმომადგენლები მონაწილეობდნენ. 

ღონისძიების დასასრულს, მუნიციპალური თეატრის მიმდებარე სკვერში, სასულიერო პირებმა, მხარისა და ქალაქის ხელმძღვანელებთან ერთად, ყვავილების ბაღის გაშენებაში მიიღეს მონაწილეობა, რომელიც ქალაქში პატრიარქის ლოცვა-კურთხევით ეწყობა.