16 მაისს, ქვემო ქართლში სახელმწიფო რწმუნებულის-გუბერნატორის მოადგილე, ზაურ დარგალი, რუსთავის მერი, ირაკლი ტაბაღუა, ადგილობრივი საკრებულოს წარმომადგენლები და საგანმანათლებლო რესურს ცენტრის ხელმძღვანელი, პროექტის „განავითარე შენი რეგიონის“ შემაჯამებელ შეხვედრას დაესწრნენ. 

ღონისძიების ფარგლებში რუსთავის საჯარო და კერძო სკოლის მოსწავლეებმა ქალაქის განვითარების თემაზე შემუშავებული პრეზენტაციები წარმოადგინეს, რომლებიც ძირითადად, ეკონომიკური, სოციალური, ეკოლოგიური და ინფრასტრუქტურული მიმართულებით განსახორციელებელ პროექტებს შეეხებოდა. 

აღსანიშნავია, რომ პროექტი ,,განავითარე შენი რეგიონი“ „საქართველოს სტუდენტური პარლამენტისა“ და „დამოუკიდებელ ბავშვთა და სტუდენტთა გაერთიანების“ ერთობლივი ძალისხმევით, ქვეყნის მასშტაბით, ხორციელდება.