9 მაისს, რუსთავში ფაშიზმზე გამარჯვების 73-ე წლისთავისადმი მიძღვნილი ღონისძიებები გაიმართა, რომელსაც ქვემო ქართლში სახელმწიფო რწმუნებულის-გუბერნატორის მოადგილე, კახა კობერიძე, ქალაქის მერი, ირაკლი ტაბაღუა, ადგილობრივი საკრებულოს წარმომადგენლები და რუსთაველი ვეტერანები დაესწრნენ. 

მხარისა და ქალაქის ხელმძღვანელი პირები, რუსთავში მცხოვრებ ორ ვეტერანს, მარგალიტა წერეთერლს და ბონდო მანჯგალაძეს, ოჯახში პირადად ესტუმრნენ, ფაშიზმზე გამარჯვების დღე მიულოცეს და სიმბოლური საჩუქრები გადასცეს. 

კახა კობერიძემ და ირაკლი ტაბაღუამ, რუსთავის ჩოხოსანთა საზოგადოების წევრებთან ერთად, მოგვიანებით, გვირგვინებით შეამკეს დიდების ხეივანში გმირთა მემორიალი და პატივი მიაგეს მეორე მსოფლიო ომის დროს გარდაცვლილთა ხსოვნას. 

აღსანიშნავია, რომ რუსთავის მერია ომის ვეტერანებსა და მათთან გათანაბრებულ პირებს, ყოველწლიურად ფულად ჯილდოს გადასცემს.