23 მარტს, ქვემო ქართლში სახელმწიფო რწმუნებული-გუბერნატორი გრიგოლ ნემსაძე, პირველ მოადგილესთან და ქვემო ქართლის რეგიონული განვითარების სააგენტოს დირექტორთან ერთად, სამხარეო ადმინისტრაციაში, რეგიონების კულტურულ-საგანმანათლებლო და ბიზნესის განვითარების ასოციაციის წარმომადგენლებს შეხვდა. 

ასოციაციის პრეზიდენტმა, ბესიკ ქარცივაძემ, პარტნიორ არასამთავრობო ორგანიზაციების წევრებთან ერთად რეგიონის მასშტაბით, განსახორციელებელი პროექტი განიხილა, რომელიც არაქართველი მოსახლეობის სამოქალაქო ინტეგრაციის ხელშეწყობას ისახავს მიზნად. 

სტუმრებმა წარმოადგინეს პრეზენტაცია, ინოვაციური სწავლების მეთოდის შესახებ, რომელიც ვირტუალური მოდელირებისა და კონსტრუირების მეთოდზეა დაფუძნებული.

შეხვედრის მიმდინარეობისას მხარეებმა ურთიერთთანამშრომლობის სამომავლო გეგმები განიხილეს.