18 დეკემბერს, ქვემო ქართლში სახელმწიფო რწმუნებული-გუბერნატორი, გრიგოლ ნემსაძე კონფერენციას სახელწოდებით „ტურიზმი - ადგილობრივი განვითარებისთვის” დაესწრო. ღონისძიება რეგიონებში ტურიზმის განვითარების მიზნით ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით გაიმართა.

კონფერენციაზე აგრეთვე იმყოფებოდნენ მცხეთა-მთიანეთის, სამცხე-ჯავახეთის, შიდა ქართლისა და კახეთის რეგიონების, ასევე მთის კურორტების განვითარების კომპანიისა და დაცული ტერიტორიების სააგენტოს წარმომადგენლები.

შეხვედრის ფარგლებში, მონაწილეები აუდიტორიის წინაშე თემატური პრეზენტაციებით წარდგნენ და საზოგადოებას დაგეგმილი პროექტები გააცნეს.