8 ივნისს ბოლნისის საგანმანათლებლო-სარეაბილიტაციო ცენტრს ,,განთიადს“ საქართველოს პირველი ლედი მაკა ჩიჩუა დაუნის სინდრომის ასიციაციის წარმომადგენლებთან ერთად ესტუმრა და მშობლებისთვის ტრენინგ-სემინარი გამართა. 
შეხვედრას ქვემო ქართლში სახელმწიფო რწმუნებულ-გუბერნატორი გრიგოლ ნემსაძე. მუნიციპალიტეტის გამგებელი დავით შერაზადიშვილი და თემით დაინტერესებული პირები დაესწრნენ. მხარეებმა კითხვა პასუხისრეჟიმში განიხილეს შეზღუდული შესაძლებლობების მქონე პირების და მათი მშობლების საჭიროებები. 
,,მნიშვნელოვანია მსგავსი ტიპის შეხვედრების ინტენსიური გამართვა რეგიონებში, რათა განსაკუთრებული საჭიროების მქონე ადამიანები და მათი ოჯახის წევრები უფრო მეტად იყვნენ ინფორმირებულები იმ თანამედროვე მიდგომების შესახებ, რომელსაც სახელმწიფო ამ მიმართულებით ახორციელებს.
ჩვენ აქტიურად ვიქნებით ჩართული აღნიშნულ პროცესში და ხელს შევუწყებთ ყველა იმ წამოწყებას, რომელიც კიდევ უფრო მეტად მოახდენს მათ სრულფასოვან ინტეგრაციას საზოგადოებაში“-აღნიშნა გუბერნატორმა. 
აღსანიშნავია, რომ საქართველოს რეგიონებში მცხოვრები შშმ პირთა მშობლების გაძლიერებისა და მხარდაჭერისთვის პროექტი „მშობელთა თემის მობილიზება და გაძლიერება“ -.საქართველოს პირველი ლედის პატრონაჟით, საქართველოს პრეზიდენტის ადმინისტრაციის მხარდაჭერით და კოალიციის „მოძრაობა ცვლილებებისთვის“ ჩართულობით ხორციელდება.