ქვემო ქართლში სახელმწიფო რწმუნებულის, საქართველოს ფეხბურთის ფედერაციის, გარდაბნისა და მარნეულის მუნიციპალიტეტების მერიების მხარდაჭერით, ა(ა)იპ სპორტის მართვის მეთოდოლოგიის და ტექნოლოგიების ასოციაცის ორგანიზებით, გარდაბანში, ქვემო ქართლის სასკოლო ლიგა 2023-ის მინი-ფეხბურთში დასკვნითი შეხვედრები გაიმართა.

კამპანია „როდესაც სპორტი ცვლის სამყაროს“ ფარგლებში, ახალგაზრდებში ჯანსაღი ცხოვრების წესის დანერგვისა და წახალისების მიზნით „ქვემო ქართლის სასკოლო ლიგა 2023“ ჩატარდა, რომელშიც სხვადასხვა მუნიციპალიტეტის ოცმა სკოლამ მიიღო მონაწილეობა.

ფინალურ შეხვედრაში ერთმანეთს კრწანისის საჯარო სკოლისა და მარნეულის N6 საჯარო სკოლის გუნდები დაუპირისპირდნენ.

გამარჯვება მარნეულის N6 სკოლამ მოიპოვა, ხოლო მესამე ადგილი-ვასილ ბარნოვის სახელობის თეთრიწყაროს მუნიციპალიტეტის სოფელ კოდის საჯარო სკოლამ დაიკავა.

გამარჯვებული გუნდები, ქვემო ქართლში სახელმწიფო რწმუნებულის მოადგილე ნიკა კობახიძემ, გარდაბნის მუნიციპალიტეტის მერმა დავით კარგარეთელმა, საკრებულოს თავმჯდომარე მიხეილ გედეხაურმა, განათლების, კულტურის, ახალგაზრდობის, სპორტის, საზოგადოებასთან და მედიასთან ურთიერთობის სამსახურის ხელმძღვანელმა ავთანდილ ჯანხოთელმა, მარნეულის საკრებულოს თავმჯდომარე ამირან გიორგაძემ და მარნეულის მუნიციპალიტეტის მერის მოადგილემ როინ დეკანოიძემ თასით, მედლებითა და სიგელებით დააჯილდოვეს.