გიორგი დოტურიშვილი, მაღალტექნოლოგიური საწარმოს, „ნუტრიმაქსის“ გახსნის ღონისძიებას საქართველოს გარემოს დაცვისა და სოფლის მეურნეობის მინისტრის მოადგილესთან, თენგიზ ნასარიძესთან და გარდაბნის მუნიციპალიტეტის მერთან, დავით კარგარეთელთან ერთად დაესწრო.

 „ნამდვილად მისასალმებელია ის ფაქტი, რომ საწარმოში რეგიონიდან უკვე დასაქმებულია 40 ადამიანი. ყოველი მსგავსი პროექტი ხელს შეუწყობს ადგილობრივი მოსახლეობის დასაქმებას, რადგან ახალი საწარმოს ფუნქციონირება ნიშნავს ადგილობრივი მოსახლეობისთვის დამატებითი შესაძლებლობების მიცემასა და სამუშაო ადგილების გაზრდას“ - გიორგი დოხტურიშვილი.

პროექტის ჯამური ღირებულება შეადგენს 12 000 000 ლარს, აქედან კომპანიამ 7 500 000 ლარის საბანკო ვალდებულებაზე ისარგებლა სახელმწიფო პროგრამის „აწარმოე საქართველოში“ პროექტ „ბიზნეს უნივერსალის“ უპირატესობებით.

საწარმო წლიურად დაახლოებით 30 000 ტონა ძაღლისა და კატის საკვებს აწარმოებს და საქართველოს, ევროკავშირის, სამხრეთ კავკასიისა და სხვა ქვეყნების ბაზრებს მოამარაგებას ისახავს მიზნად.

გახსნის ღონისძიებას, ასევე, პროექტის „აწარმოე საქართველოში“ წარმომადგენლები, კომპანიის საერთაშორისო და რეგიონალური პარტნიორები და სხვა მოწვეული სტუმრები ესწრებოდნენ.