გიორგი დოხტურიშვილი ქალაქ რუსთავში №26 და №25 საჯაროს სკოლების სარეაბილიტაციო სამუშაოებს ადგილზე გაეცნო.

სკოლების რეაბილიტაციას საქართველოს რეგიონული განვითარებისა  და ინფრასტრუქტურის სამინისტროს მუნიციპალური განვითარების ფონდი ახორციელებს, რომლის ფარგლებშიც მოეწყობა:

საკლასო ოთახები,
სველი წერტილები,
სპორტული მოედნები,
ეზოს ტერიტორია.

ასევე, დამონტაჟდება გათბობის, წყალმომარაგების და კანალიზაციის სისტემები. სკოლები სრულად ადაპტირებული იქნება შეზღუდული შესაძლებლობის მქონე პირებისთვის.

ორივე საჯარო სკოლის სარეაბილიტაციო სამუშაოების ღირებულება შეადგენს 11 636 880 ლარს.

პროექტის დასრულების შემდეგ, ჯამში 1120 მოსწავლე გამართული, კეთილმოწყობილი და საერთაშორისო სტანდარტების მქონე სასკოლო ინფრასტრუქტურით ისარგებლებს.

ინფრასტრუქტურული პროექტი რწმუნებულთან ერთად მისმა მოადგილემ ილია ჯალაღანიამ, რუსთავის მერის მოადგილემ, ბესიკ ტოგონიძემ, საქართველოს მუნიციპალური განვითარების ფონდის აღმასრულებელი დირექტორის პირველმა მოადგილემ, გიორგი ციბაძემ, ადგილობრივი ხელისუფლების სხვა წარმომადგენლებმა, რუსთავის რესურსცენტრის ხელმძღვანელმა, თამარ ხეჩიკაშვილმა და სკოლის დირექტორებმა მოინახულეს.