გიორგი დოხტურიშვილმა სოფელ ნორიოსა და სოფელ ჯანდარაში, 2 000 მოსწავლეზე გათვლილი, ახლადრეაბილიტირებული საჯარო სკოლები ადგილზე მოინახულა.

ინფრასტრუქტურული პროექტი საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა განახორციელა, რომლის ფარგლებშიც სკოლებში მოეწყო:

საკლასო ოთახები;

სველი წერტილები;

სპორტული მოედნები;

ეზოს ტერიტორია.

ასევე, დამონტაჟდა გათბობის, წყალმომარაგების და კანალიზაციის სისტემები.

საჯარო სკოლები სრულად ადაპტირებულია შეზღუდული შესაძლებლობის მქონე პირებისთვის და აკმაყოფილებს საერთაშორისო სტანდარტებს.

ორივე პროექტის ღირებულებამ 8 მილიონ ლარამდე შეადგინა.

ახლადრეაბილიტირებული სკოლები რწმუნებულთან ერთად მისმა მოადგილეებმა ნიკა კობახიძემ და ილია ჯალაღანიამ, გარდაბნის მუნიციპალიტეტის მერმა, დავით კარგარეთელმა, გარდაბნის მუნიციპალიტეტის საკრებულოს თავმჯდომარემ, მიხეილ გედეხაურმა, საქართველოს მუნიციპალური განვითარების ფონდის აღმასრულებელი დირექტორის პირველმა მოადგილემ, გიორგი ციბაძემ, ადგილობრივი ხელისუფლების სხვა წარმომადგენლებმა და სკოლის დირექტორებმა მოინახულეს.