,,ქრისტე აღდგა! აღდგომის ბრწყინვალე დღესასწაული უდიდესია მართლმადიდებლურ ქრისტიანულ დღესასწაულთა შორის. მისასალმებელია,  რომ პანდემიის შემდეგ გარდაბანში ტრადიცია აღდგა და კვლავ გაიმართა დღესასწაულისადმი მიძღვნილი ღონისძიება.  ვუერთდები თითოეული ქრისტიანის სიხარულს და კიდევ ერთხელ გილოცავთ, სიცოცხლის სიკვდილზე გამარჯვების, ქრისტიანებისთვის იმედის მოცემ ბრწყინვალე დღესასწაულს.
ასევე მინდა, ჩვენს აზერბაიჯანელ მოსახლეობას, ჩვენს ძმებსა და დებს მივულოცო რამაზანის დღესასწაული” - ამის შესახებ ქვემო ქართლში სახლემწიფო რწმუნებულმა, გიორგი დოხტურიშვილმა გარდაბანში აღდგომის ბრწყინვალე დღესასწაულისადმი მიძღვნილ ღონისძიებაზე სიტყვით გამოსვლისას განაცხადა.

გიორგი დოხტურიშვილი გარდაბნის მუნიციპალიტეტის მერთან დავით კარგარეთელთან ერთად მოსახლეობას შეხვდა და აღდგომის ბრწყინვალე დღესასწაულისადმი მიძღვნილ ღონისძიებას დაესწრო.

საზეიმო ღონისძიება ქალაქ გარდაბანში, კულტურისა და დასვენების პარკში გაიმართა, რომლის ფარგლებშიც მოხდა ადგილობრივი ნაწარმის და ხელნაკეთი ნივთების გამოფენა, საღამო კი საზეიმო კონცერტით დასრულდა.

ღონისძიებას ასევე სახელმწიფო რწმუნებულის მოადგილე ნიკა კობახიძე, პარლამენტის წევრი, სავალან მირზოევი, რუსთავისა და გარდაბნის ათი თემის მაჟორიტარ-დეპუტატი პარლამენტში ირაკლი შატაკიშვილი, გარდაბნის მუნიციპალიტეტის საკრებულოს თავმჯდომარე, მიხეილ გედეხაური და ადგილობრივი ხელისუფლების წარმომადგენლები ესწრებოდნენ.