გიორგი დოხტურიშვილი ბოლნისის მუნიციპალიტეტის მერის, დავით შერაზადიშვილის 2022 წლის საქმიანობის ანგარიშის წარდგენას დაესწრო.

2022 წელი ბოლნისის მუნიციპალიტეტისთვის წარმატებული და ნაყოფიერი იყო. განხორციელდა არაერთი ინფრასტრუქტურული, საგანმანათლებლო, სოციალური და ჯანდაცვის პროექტი.

კერძოდ, ბოლნისის მუნიციპალიტეტის მასშტაბით, 2022 წელს 10 299 398 ლარის ღირებულების 93 ინფრასტრუქტურული პროექტი განხორციელდა. სოციალური და ჯანდაცვის პროგრამებისთვის კი ჯამში 2 707 569 ლარი დაიხარჯა რომლითაც 3 136 ბენეფიციარმა ისარგებლა.

უნდა აღინიშნოს, რომ გასულ წელს წარჩინებული სტუდენტების ყოველთვიური ფულადი წახალისებისთვის ჯამში 64 900 ლარი გამოიყო. ასევე, მოწყვლადი კატეგორიის 148 სტუდენტის ყოველთვიური დაფინანსებისთვის 2022 წელს, 71 320 ლარი დაიხარჯა.

ანგარიშის წარდგენას ქვემო ქართლში სახელმწიფო რწმუნებულთან ერთად, ბოლნისის, დმანისის, თეთრიწყაროსა და წალკის მაჟორიტარ-დეპუტატი გოგი მეშველიანი, ბოლნისის მუნიციპალიტეტის საკრებულოს თავმჯდომარე თამაზ ჟორჟოლიანი, საკრებულოს დეპუტატები, არასამთავრობო სექტორის, მედიისა და კომპანია RMG-ის წარმომადგენლები და ადგილობრივი მოსახლეობა ესწრებოდა.