24 საათიანი წყალმომარაგებით ბოლნისი და მიმდებარე სოფლები ისარგებლებენ

გიორგი დოხტურიშვილმა ბოლნისის მუნიციპალიტეტის მერთან, დავით შერაზადიშვილთან და გაერთიანებული წყალმომარაგების კომპანიის დირექტორთან, ალექსანდრე თევდორაძესთან ერთად მიმდინარე სამუშაოები მოინახულა.

გაერთიანებული წყალმომარაგების კომპანია ბოლნისის მუნიციპალიტეტისა და მიმდებარე სოფლების 24 საათიანი წყალმომარაგებით უზრუნველსაყოფად ჯამურად 85 მლნ. ლარზე მეტი ღირებულების პროექტებს ახორციელებს.

ამ ეტაპზე,  ბოლნისში აზიის ბანკის მხარდაჭერით აქტიურად გრძელდება წყალარინების სისტემის მშენებლობა. ასევე, ბოლნისის მუნიციპალიტეტში წყლის ინფრასტრუქტურის გაუმჯობესების მიზნით რამდენიმე პროექტი მიმდინარეობს.

პროექტების ფარგლებში, ადგილობრივი მოსახლეობის 24 საათიანი წყალმომარაგებისთვის გათვალისწინებულია:
ქ. ბოლნისისა და დაბა კაზრეთის წყალმომარაგების სისტემის ოპტიმიზაციისა და მრავალბინიანი საცხოვრებელი კორპუსების გამრიცხველიანება;
ბოლნისის მუნიციპალიტეტის სოფლების ბალიჭის, ძველი ქვეშისა და ძეძვნარიანის წყალმომარაგების სისტემების რეაბილიტაცია/მშენებლობა.
ქ. ბოლნისის „ყარაბულახის“ სათავე ნაგებობის რეაბილიტაცია, მაგისტრალური მილის, წყალსადენი ქსელის, სატუმბი სადგურის მოწყობა. ასევე, არსებული რეზერვუარების რეაბილიტაცია.

მიმდინარე პროექტების პარალელურად, სოფელ ტალავერის წყალმომარაგების სისტემის მოწყობის პროექტირება-მშენებლობისთვის ტენდერი მიმდინარეობს.

ბოლნისის მუნიციპალიტეტში
85 მლნ. ლარზე მეტი ღირებულების პროექტები განხორციელდება.