გაეროს ქალთა ორგანიზაციის კოორდინაციით ქვემო ქართლში აგრო მიმართულებით სახელმწიფო პროგრამა ამოქმედდა.

ქვემო ქართლის სამხარეო ადმინისტრაციის მხარდაჭერით და გაეროს ქალთა ორგანიზაციის კოორდინაციით, სოფლის განვითარების სააგენტო მარნეულის მუნიციპალიტეტში სასათბურე მეურნეობების საპილოტე პროგრამას იწყებს.

 გიორგი დოხტურიშვილი, გენდერული თანასწორობის მუდმივმოქმედი საპარლამენტო საბჭოს თავმჯდომარე ნინო  წილოსანთან და მარნეულის საკრებულოს თავმჯდომარე ამირან გიორგაძესთან ერთად მარნეულში პროგრამის პრეზენტაციას დაესწრო.

პროგრამის ფარგლებში მარნეულში სასათბურე მეურნეობები მოეწყობა. შერჩეული ბენეფიციარები გადამზადდებიან, პრაქტიკულ ტრენინგებს გაივლიან და როგორც ტექნიკურ, ასევე ფინანსურ მხარდაჭერას მიიღებენ.

პროექტის მიზანი ეკონომიკურად არააქტიური ქალების საზოგადოებაში ინტეგრაციაა.

შეხვედრაში მონაწილეობას იღებდა გაეროს ქალთა ორგანიზაციის წარმომადგენელი კაორი იშიკავა და სოფლის განვითარების სააგენტოს დირექტორი ილია თამარაშვილი.

#ქვემოქართლისმხარე
#მარნეული
#გაეროსქალთაორგანიზაცია
#სოფლისგანვითარებისსააგენტო